ਅੰਤਰਰਾਸ਼ਟਰੀ ਖਬਰਾਂ

• 

  ਅਮਰੀਕਾ : ਤੂਫਾਨ ਨੇ ਬਦਲੀ ਸ਼ਹਿਰ ਦੀ ਸ਼ਕਲ

  10:58 AM 5/22/2013

  ਸਲੀਮ ਰਿਜ਼ਵੀ / ਨਿਊਯਾਰਕ : ਅਮਰੀਕਾ ਦੇ ਓਕਲਾਹੋਮਾ ਸਿਟੀ ਦੇ ਨਜ਼ਦੀਕ ਮੂਰ ਸ਼ਹਿਰ ਵਿੱਚ ਆਉਣ ਵਾਲੇ ਚੱਕਰਵਾਤੀ ਤੂਫਾਨ ਤੋਂ ਬਾਅਦ ਬਚਾਅ ਅਤੇ ਰਾਹਤ ਕਾਰਜ ਹਾਲੇ ਵੀ ਜਾਰੀ ਹਨ ।
  ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਹੁਣ ਵੀ ਕੁਝ ਲੋਕ ਮਲਬੇ ਹੇਠਾਂ ਦੱਬੇ ਹੋ ਸਕਦੇ ਹਨ।
  ਤੂਫਾਨ ਵਿੱਚ ਹੁਣ ਮਰਨ ਵਾਲਿਆਂ ਦੀ ਗਿਣਤੀ 24 ਹੈ ਜਿਹਨਾਂ ਵਿੱਚ 7 ਬੱਚੇ ਵੀ ਸ਼ਾਮਿਲ ਹਨ ਪਰ ਇਹ ਸੰਖਿਆ ਬਦਲ ਵੀ ਸਕਦੀ , ਇਸ ਤੋਂ ਇਲਾਵਾ 237 ਲੋਕ ਜ਼ਖ਼ਮੀ ਹੋਏ ਹਨ ।
  ਮੰਗਲਵਾਰ ਨੂੰ ਦਿਨ ਦੇ ਤੂਫਾਨ ਤੋਂ ਬਾਅਦ ਹੋਣ ਵਾਲੀ ਤਬਾਹੀ ਦਾ ਵੀ ਜਾਇਜ਼ਾ ਲਿਆ ਜਾ ਰਿਹਾ ਹੈ, ਤਬਾਹੀ ਅਜਿਹੀ ਹੋਈ ਹੈ ਕਿ ਬਹੁਤ ਸਾਰੇ ਸ਼ਹਿਰ ਨਿਵਾਸੀਆਂ ਨੂੰ ਆਪਣਾ ਸ਼ਹਿਰ ਪਹਿਚਾਣ ਵਿੱਚ ਨਹੀਂ ਆ ਰਿਹਾ ਹੈ।
  ਦੋ ਮੀਲ ਚੌੜੇ ਇਸ ਭਿਆਨਕ ਤੂਫਾਨ ਦੇ ਕਾਰਨ 20 ਮੀਲ ਤੱਕ ਦੇ ਇਲਾਕੇ ਵਿੱਚ ਭਾਰੀ ਤਬਾਹੀ ਹੋਈ ਹੈ। ਸੈਂਕੜਿਆਂ ਦੀ ਸੰਖਿਆ ਵਿੱਚ ਘਰ ਤਬਾਹ ਹੋ ਗਏ ਹਨ , ਬਹੁਮੰਜਿ਼ਲਾ ਇਮਾਰਤਾਂ ਵੀ ਠਹਿ ਗਈਆਂ ਹਨ । ਇਹਨਾਂ ਵਿੱਚ ਦੋ ਸਕੂਲ ਅਤੇ ਇੱਕ ਮੈਡੀਕਲ ਸੈਂਟਰ ਵੀ ਸ਼ਾਮਿਲ ਹੈ।
  ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਓਕਲਾਹੋਮ ਦੇ ਤੂਫਾਨ ਪੀੜਤਾਂ ਨੂੰ ਹਰ ਸੰਭਵ ਸਹਾਇਤਾ ਦੇਣ ਦਾ ਵਾਅਦਾ ਕੀਤਾ ਹੈ।
  ਵਾਈਟ ਹਾਊਸ ਵਿੱਚ ਬੋਲਦੇ ਹੋਏ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਕਿਹਾ , ‘ ਸਾਡੀ ਪ੍ਰਾਰਥਨਾ ਓਕਲਾਹੋਮਾ ਦੇ ਲੋਕਾਂ ਦੇ ਨਾਲ ਹੈ। ਅੱਜ ਓਕਲਾਹੋਮ ਵਿੱਚ ਕਈ ਲੋਕਾਂ ਨੂੰ ਉਹਨਾਂ ਦੇ ਪਿਆਰੇ ਨਾਲ ਵਿਛੜਣ ਦਾ ਗਮ ਹੈ , ਅਤੇ ਉਹਨਾਂ ਨੂੰ ਇਹ ਕਠਿਨ ਰਸਤਾ ਵੀ ਤਹਿ ਕਰਨਾ ਹੈ ਪਰ ਤੁਸੀ ਇਹ ਰਾਸਤਾ ਇਕੱਲੇ ਤਹਿ ਨਹੀਂ ਕਰਨਾ, ਤੁਹਾਡਾ ਦੇਸ਼ ਤੁਹਾਡੇ ਨਾਲ ਹੈ । ਅਸੀਂ ਪ੍ਰਾਰਥਨਾ ਦੇ ਨਾਲ ਨਾਲ ਜਦ ਤੱਕ ਉਹਨਾਂ ਨੂੰ ਜਰੂਰਤ ਹੈ ਉਦੋਂ ਤੱਕ ਹਰ ਸੰਭਵ ਸਹਾਇਤਾ ਕੀਤੀ ਜਾਵੇਗੀ ।

  
  
• 

  ਇਰਾਕ 'ਚ ਅੱਤਵਾਦੀ ਹਮਲਿਆਂ 'ਚ 95 ਮੌਤਾਂ

  11:01 AM 5/22/2013

  ਬਗਦਾਦ: ਇਰਾਕ ਵਿਚ ਸ਼ੀਆ ਅਤੇ ਸੁੰਨੀ ਬਹੁਲ ਖੇਤਰਾਂ ਵਿਚ ਕਾਰ ਬੰਬ ਵਿਸਫੋਟ ਅਤੇ ਗੋਲੀਬਾਰੀ ਦੀਆਂ ਵੱਖ-ਵੱਖ ਘਟਨਾਵਾਂ ਵਿਚ ਕਰੀਬ 95 ਲੋਕਾਂ ਦੀ ਮੌਤ ਹੋ ਗਈ ਅਤੇ ਵੱਡੀ ਗਿਣਤੀ ਵਿਚ ਲੋਕ ਜ਼ਖ਼ਮੀ ਹੋ ਗਏ।
  ਹਾਲ ਹੀ 'ਚ ਇਰਾਕ ਵਿਚ ਹਿੰਸਾ ਦੀਆਂ ਘਟਨਾਵਾਂ ਵਿਚ ਜ਼ਿਕਰਯੋਗ ਵਾਧਾ ਹੋਇਆ ਹੈ ਅਤੇ ਇਨ੍ਹਾਂ ਵਿਚ ਸ਼ੀਆ ਅਤੇ ਸੁੰਨੀ ਦੋਵੇਂ ਭਾਈਚਾਰੇ ਦੇ ਲੋਕਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ। ਇਰਾਕ ਵਿਚ ਇਸ ਮਹੀਨੇ ਦੀਆਂ ਵੱਖ-ਵੱਖ ਘਟਨਾਵਾਂ ਵਿਚ ਹੁਣ ਤੱਕ 366 ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਨ੍ਹਾਂ ਘਟਨਾਵਾਂ ਨੂੰ ਦੇਖਦੇ ਹੋਏ ਦੇਸ਼ ਵਿਚ ਫਿਰ ਤੋਂ ਜਾਤੀ ਹਿੰਸਾ ਭੜਕਣ ਦੀ ਸਥਿਤੀ ਪੈਦਾ ਹੋਣ ਦੀ ਸੰਭਾਵਨਾ ਹੈ।
  ਉਧਰ, ਇਰਾਕੀ ਪ੍ਰਧਾਨ ਮੰਤਰੀ ਨੂਰੀ ਅਲ ਮਲਿਕੀ ਨੇ ਸੁਰੱਖਿਆ ਨੂੰ ਲੈ ਕੇ ਰਣਨੀਤੀ ਵਿਚ ਬਦਲਾਵ ਦਾ ਐਲਾਨ ਕਰਦੇ ਹੋਏ ਕਿਹਾ ਕਿ

  
  
• 

  ਛੋਟੀ ਉਮਰੇ ਨਾਮਣਾ ਖੱਟ ਰਹੇ ਸਰੀ ਦੇ ਪਹਿਲਵਾਨ ਕਰਨਵੀਰ ਸਿੰਘ ਮਾਹਲ ਦਾ ਸਨਮਾਨ

  4:10 PM 5/22/2013

  ਵੈਨਕੂਵਰ -ਪਿਛਲੇ ਤਿੰਨ ਸਾਲਾਂ ਤੋਂ ਖਾਲਸਾ ਦੀਵਾਨ ਸੁਸਾਇਟੀ ਵੈਨਕੂਵਰ ਵਲੋਂ ਕਰਵਾਏ ਜਾਂਦੇ ਖੇਡ ਮੇਲਿਆਂ 'ਚ ਲਗਾਤਾਰ ਸੋਨ ਤਗਮੇ ਜਿੱਤਣ ਵਾਲੇ ਸਰੀ ਦੇ ਛੋਟੀ ਉਮਰ ਦੇ ਪਹਿਲਵਾਨ ਕਰਨਵੀਰ ਸਿੰਘ ਮਾਹਲ ਦਾ ਪ੍ਰਬੰਧਕ ਕਮੇਟੀ ਵਲੋਂ ਸਨਮਾਨ ਕੀਤਾ ਗਿਆ | 8 ਸਾਲਾ ਕਰਨਵੀਰ ਨੇ ਕੱਲ੍ਹ ਸਮਾਪਤ ਹੋਏ ਦੋ-ਦਿਨਾ ਖੇਡ ਮੇਲੇ ਦੌਰਾਨ 8 ਸਾਲ ਤੇ 10 ਸਾਲ ਉਮਰ ਦੇ ਦੋਵਾਂ ਮੁਕਾਬਲਿਆਂ 'ਚ ਕੁਸ਼ਤੀ ਲੜਦਿਆਂ ਸੋਨ ਤਗਮੇ ਹਾਸਿਲ ਕੀਤੇ | ਸਰੀ ਦੇ 'ਖਾਲਸਾ ਰੈਸਲਿੰਗ ਕਲੱਬ' ਦੇ ਇਸ ਹੋਣਹਾਰ ਪਹਿਲਵਾਨ ਨੂੰ ਨਾਮਵਰ ਪੰਜਾਬੀ ਕੁਸ਼ਤੀ ਕੋਚ ਸ਼ੀਰੀ ਪਹਿਲਵਾਨ ਸਿਖਲਾਈ ਦੇ ਰਹੇ ਹਨ | ਤਿੰਨ ਸਾਲ ਦੇ ਵਕਫੇ ਦੌਰਾਨ ਉਹ ਕੈਨੇਡਾ ਭਰ 'ਚ ਹੋਏ ਕੁਸ਼ਤੀ ਮੁਕਾਬਲਿਆਂ 'ਚ 19 ਸੋਨ ਤਗਮੇ ਜਿੱਤ ਚੁੱਕਾ ਹੈ ਜਦਕਿ ਉਸਨੇ ਅਮਰੀਕਾ 'ਚ ਹੋਏ ਕੁਸ਼ਤੀ ਮਕਾਬਲਿਆਂ 'ਚ ਹੁਣ ਤੱਕ 11 ਸੋਨ ਤਗਮੇ ਤੇ 3 ਚਾਂਦੀ ਦੇ ਤਗਮੇ ਜਿੱਤੇ ਹਨ | ਪੰਜਾਬ 'ਚ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਦੇ ਮਸ਼ਹੂਰ ਪਿੰਡ ਮਾਹਲ-ਗਹਿਲਾਂ ਦੇ ਪਹਿਲਵਾਨ ਰਜਿੰਦਰ ਸਿੰਘ ਮਾਹਲ ਦੇ ਸਪੁੱਤਰ ਤੇ ਅਮਰੀਕਾ ਵਸਦੇ ਪਹਿਲਵਾਨ ਬੱਲੀ ਮਾਹਲ ਦੇ ਭਤੀਜੇ ਕਰਨਵੀਰ ਤੋਂ ਪੂਰੇ ਪਰਿਵਾਰ ਤੇ ਅਖਾੜੇ ਨੂੰ ਬਹੁਤ ਆਸਾਂ ਹਨ |

  
  
• 

  ਮਾਊਂਟ ਐਵਰੈਸਟ `ਤੇ 9ਵੀਂ ਵਾਰ ਚੜ੍ਹ ਕੇ ਨਿਊਜ਼ੀਲੈਂਡ ਦਾ ਪਹਿਲਾ ਪਰਬਤ ਆਰੋਹੀ ਬਣਿਆ `ਡੀਨ ਸਟੇਪਲਜ਼`

  4:11 PM 5/22/2013

  ਔਕਲੈਂਡ : ਨਿਊਜ਼ੀਲੈਂਡ ਦਾ ਪਹਿਲਾ ਪਰਬਤ ਆਰੋਹੀ ਸਵ. ਸਰ ਐਡਮੰਡ ਹਿਲੇਰੀ ਜਿਸ ਨੇ 60 ਸਾਲਾਂ ਪਹਿਲਾਂ 1953 ਦੇ ਵਿਚ ਦੁਨੀਆ ਦੇ ਸਭ ਤੋਂ ਉਚੇ ਪਰਬਤ 'ਮਾਊਂਟ ਐਵਰੈਸਟ' ਉਤੇ ਚੜ੍ਹ ਕੇ ਨਿਊਜ਼ੀਲੈਂਡ ਦਾ ਨਾਂਅ ਦੁਨੀਆ ਵਿਚ ਚਮਕਾਇਆ ਸੀ, ਹੁਣ ਉਸਦੇ ਨਕਸ਼ੇ ਕਦਮਾਂ ਦੇ ਚਲਦਿਆਂ ਨਿਊਜ਼ੀਲੈਂਡ ਦੇ ਹੀ ਇਕ ਹੋਰ ਪਰਬਤ ਆਰੋਹੀ 'ਡੀਨ ਸਟੇਪਲਜ਼' ਨੇ 'ਮਾਊਂਟ ਐਵਰੈਸਟ' (8848 ਮੀਟਰ) ਉਤੇ 9ਵੀਂ ਵਾਰ ਚੜ੍ਹ ਕੇ ਨਿਊਜ਼ੀਲੈਂਡ ਦਾ ਪਹਿਲਾ ਪਰਬਤ ਆਰੋਹੀ ਹੋਣ ਦਾ ਮਾਣ ਹਾਸਿਲ ਕੀਤਾ। ਇਹ ਹੀ ਨਹੀਂ ਇਸਦੀ ਪਤਨੀ 'ਲੇਡੀਆ ਬ੍ਰਾਡੇਅ' ਨੇ ਵੀ ਅੱਜ ਤੀਜ਼ੀ ਵਾਰ ਇਸ ਪਰਬਤ ਨੂੰ ਸਰ ਕੇ ਔਰਤਾਂ ਨੂੰ ਕਿਸੇ ਪੱਖੋਂ ਘੱਟ ਨਾ ਰਹਿਣ ਦਾ ਸੰਦੇਸ਼ ਦਿੱਤਾ। ਇਸ ਔਰਤ ਨੂੰ ਦੁਨੀਆ ਦੀ ਪਹਿਲੀ ਔਰਤ ਹੋਣ ਦਾ ਵੀ ਮਾਣ ਹਾਸਿਲ ਹੈ ਜੋ ਕਿ ਬਿਨਾਂ ਆਕਸੀਜਨ ਤੋਂ 1988 ਦੇ ਵਿਚ ਇਸ ਪਰਬਤ ਉਤੇ ਚੜ੍ਹੀ ਸੀ। ਡੀਨ ਸਟੇਪਲਜ਼ ਨੇ ਮਾਊਂਟ ਐਵਰੈਸਟ ਨੂੰ ਇਕ ਪਾਸੇ ਤੋਂ ਨਹੀਂ ਸਰ ਕੀਤਾ ਸਗੋਂ ਉਸਨੇ ਦੋਵਾਂ ਪਾਸਿਆਂ ਤੋਂ ਸਰ ਕਰਕੇ ਨਵਾਂ ਕੀਰਤੀਮਾਨ ਸਥਾਪਿਤ ਕੀਤਾ ਹੈ।

  
  
• 

  ਹਵਾ ਤੇ ਸ਼ੋਰ ਪ੍ਰਦੂਸ਼ਣ ਪੈਂਦੇ ਨੇ ਦਿਲ ਉੱਤੇ ਭਾਰੀ

  4:17 PM 5/22/2013

  ਵਾਸ਼ਿੰਗਟਨ : ਪ੍ਰਦੂਸ਼ਣ ਦੇ ਬਰੀਕ ਕਣ ਤੇ ਸ਼ੋਰ ਪ੍ਰਦੂਸ਼ਣ ਕਿਸੇ ਵਿਅਕਤੀ ਨੂੰ ਹਿਰਦੇ ਰੋਗ ਲੱਗਣ ਦਾ ਖਤਰਾ ਵਧਾਉਂਦੇ ਹਨ, ਇਹ ਖੁਲਾਸਾ ਇਕ ਨਵੇਂ ਅਧਿਐਨ ਵਿਚ ਹੋਇਆ ਹੈ।
  ਜਰਮਨ ਦੀ ਇਕ ਖੋਜੀ ਟੀਮ ਨੇ ਵੱਡੀ ਆਬਾਦੀ ‘ਤੇ ਇਕ ਅਧਿਐਨ ਕੀਤਾ ਸੀ, ਜਿਸ ‘ਚ ਨਾਲੋ-ਨਾਲ ਇਹ ਦੋਵੇਂ ਕਾਰਨ ਵਿਚਾਰੇ ਗਏ ਸਨ।
  ਜਰਮਨੀ ਦੇ ਲੀਬਨਿਜ਼ ਰਿਸਰਚ ਇੰਸਟੀਚਿਊਟ ਫਾਰ ਐਨਵਾਇਰਨਮੈਂਟਲ ਮੈਡੀਕਲ ‘ਚ ਵਾਤਾਵਰਨ ਕਾਰਨ ਹੁੰਦੇ ਵਿਗਾੜਾਂ ਦੇ ਅਧਿਐਨ ਸਬੰਧੀ ਪ੍ਰੋਫੈਸਰ ਤੇ ਟੀਮ ਦੀ ਆਗੂ ਬਾਰਬਰਾ ਹੌਫਮੈਨ ਨੇ ਦੱਸਿਆ ਕਿ ਬਹੁਤ ਸਾਰੇ ਅਧਿਐਨਾਂ ਵਿਚ ਹਵਾ ਦੇ ਪ੍ਰਦੂਸ਼ਣ ਨੂੰ ਅਤੇ ਹੋਰਾਂ ‘ਚ ਸ਼ੋਰ ਪ੍ਰਦੂਸ਼ਣ ਨੂੰ ਮੁੱਖ ਕਾਰਕ ਵਜੋਂ ਵਾਚਿਆ ਗਿਆ। ਉਨ੍ਹਾਂ ਨੇ ਆਪਣੇ ਅਧਿਐਨ ਵਿਚ ਦੋਵੇਂ ਕਾਰਕ ਨਾਲੋ-ਨਾਲ ਵਿਚਾਰੇ ਤੇ ਦੇਖਿਆ ਕਿ ਪ੍ਰਦੂਸ਼ਣ ਦਾ ਹਰੇਕ ਰੂਪ ਮੁਕਤ ਰੂਪ ‘ਚ ਬਿਮਾਰੀਆਂ ਦਾ ਕਾਰਨ ਬਣਦਾ ਹੈ।
  ਜਰਮਨੀ ਦੇ ਭੂਹਰ ਖੇਤਰ ਵਿਚ ਤਿੰਨ ਨਾਲ-ਨਾਲ ਲੱਗਦੇ ਸ਼ਹਿਰਾਂ ‘ਚ ਚੱਲ ਰਹੇ ਅਧਿਐਨ ‘ਹੈਂਜ ਨਿਕਸਡੌਰਫ ਰਿਕਾਲ ਅਧਿਐਨ’ ਦਾ ਡੈਟਾ ਵਰਤਦਿਆਂ ਹੌਫਮੈਨ ਤੇ ਉਸ ਦੇ ਸਾਥੀਆਂ ਨੇ ਪ੍ਰਦੂਸ਼ਣ ਦੇ ਬਰੀਕ ਕਣਾਂ ਦੇ ਮਨੁੱਖੀ ਸਰੀਰ ‘ਤੇ ਲੰਮੇ ਸਮੇਂ ਦੇ ਪ੍ਰਭਾਵ ਮਾਪੇ ਤੇ ਟਰੈਫਿਕ ਦੇ ਸ਼ੋਰ ਦਾ ਅਸਰ ਵੀ ਮਾਪਣ ਦਾ ਯਤਨ ਕੀਤਾ। ਇਸ ਅਧਿਐਨ ‘ਚ 4238 ਲੋਕਾਂ ਨੂੰ ਲਿਆ ਗਿਆ ਸੀ। ਇਨ੍ਹਾਂ ਦੀ ਔਸਤਨ ਉਮਰ 60 ਸਾਲ ਤੇ 49.9 ਫੀਸਦੀ ਮਰਦ ਸਨ।
  ਖੋਜੀ ਟੀਮ ਨੇ ਦੇਖਿਆ ਕਿ ਟਰੈਫਿਕ ਦੇ ਸ਼ੋਰ ਕਾਰਨ ਧੜ ਵਿਚਲੀ ਸ਼ਾਹ ਰਗ (ਸਭ ਤੋਂ ਵੱਡੀ ਧਮਣੀ) ਵਿਚ ਕੈਲਸ਼ੀਅਮ ਜਮ੍ਹਾਂ (ਟੀਏਸੀ) ਹੋਣਾ ਸ਼ੁਰੂ ਹੋ ਜਾਂਦਾ ਹੈ।
  ਟੀਮ ਨੇ ਇਹ ਵੀ ਦੇਖਿਆ ਕਿ ਪ੍ਰਦੂਸ਼ਣ ਦੇ ਬਰੀਕ ਕਣਾਂ ਕਾਰਨ ਟੀਏਸੀ ਦਾ ਬੋਝ 19.9 ਫੀਸਦੀ ਪ੍ਰਤੀ 2.4 ਮਾਈਕਰੋਗ੍ਰਾਮ ਪ੍ਰਤੀ ਕਿਊਬਿਕ ਮੀਟਰ ਦੀ ਦਰ ਨਾਲ ਵਧਦਾ ਹੈ। ਰਾਤ ਦੇ ਟਰੈਫਿਕ ਦੇ ਸ਼ੋਰ ਨਾਲ ਪ੍ਰਤੀ 5 ਡੈਸੀਬਲ ਪਿੱਛੇ ਟੀਏਸੀ ਦਾ ਭਾਰ 8 ਫੀਸਦੀ ਦੀ ਦਰ ਨਾਲ ਵਧਦਾ ਹੈ।
  ਇਸ ਅਧਿਐਨ ਦੀ ਰਿਪੋਰਟ ਫਿਲਾਡੈਲਫੀਆ ਵਿਚ ਹੋਣ ਵਾਲੀ ਅਮਰੀਕੀ ਥੋਰੈਸਿਸ ਸੁਸਾਇਟੀ 2013 ਇੰਟਰਨੈਸ਼ਨਲ ਕਾਨਫਰੰਸ ‘ਚ ਪੇਸ਼ ਕੀਤੀ ਜਾਏਗੀ।